Na december 2001, e emisora MAS99 a nase. Ku Nelson Farah Alias “Joe Black” na kabes komo “General Manager”, Nataly Petronia komo Direktor i Gilbert Doran komo Station Manager. Mas 99.7 FM. a kaba di kumpli 6 aña den e mundu di radio-difushon na Antia. Riba e frekuensha 99.7 FM bo ta lokalisa e radio.
E trio for di kuminsamentu a bini ku e idea di un radio ku ta traha na bienestar di nos pueblo. Un emisora ku ta traha hopi riba tereno positivo, komersial, pero tog edukativo.
Por gran parti nos a logra kumpli ku nos meta. Durante di e e mas ku 6 aña di eksistensha di e emisora hoben aki, nos a bin ta sali na prome luga den e diferente enkuestanan inparsial ku tur aña ta wordu tene. Tantu nos lokutornan, nos dj nan i nos programashon edukativo i varia a soru pa nos ta e emisora ku ta komunika den nos propio idioma, esta papiamentu mas skucha ront mundu. Klaro ku mester bisa aserka ku e logro aki lo no tabata posibel sin e soten do boso komo oyente. Pesey un palabra di gradisimentu na boso tur, i meskos ku nos por ta orguyoso di por forma parti di e famia di MAS 99.7 FM ku ta traha tur dia pa tene abo komo oyente satisfecho, asina orguyoso i abo tambe mester ta di na bo manera di ta forma parti di e famia grandi di mas 99.7 FM.

Dj Jorgel un di e DJ ku a bini ta profila su mes komo un di e DJ nan di mas popular i stima di Korsow, ta un dj joven ku ta kere hopi den e projekto di radio riba internet.
Motibu pa kual ela bini ta hinka hopi esfuerzo den promoshon di e website aki. Ami DJ Jorgel a mira i ta kere hopi den e desaroyo ku tin eifo, i mi ta konvensi ku e desaroyo aki lo no laga warda masha riba dje. Mi ta sigur ku meskos ku den eksterior digitalisashon i internet a bini ta domina mundu, esaki lo no tarda pa hinka nos isla chikitu tambe den su gara. Pesey mes mi aporte i apoyo na e proyekto aki, ku por ejempel na Hulanda ya ta indespensabel. Un di e manera pa kontrebui na e site aki banda di mi trabow di D.J. i mantenshon di e site ta di suministra e pagina di GALERIA ku fotonan aktual di aktividatnan social i eventonan deportivo i farandulero. Klaro ku pa mi hasi esaki nos ta depende di bosnan pa jama o aserka nos, ku e petishon pa kubri boso evento. Por Tuma kontakto kumi na number di telefon (Pa Korsow) 525 0000, nos lo hasi tur loke ta posibel pa kubri bo evento i si bo ta desea eski pone esaki riba e pagina di GALERIA.

Tambe mi kier a anunsia ku tur esnan ku kier manda un saludo for di eksterior o for di for di Korsow aki lo por hasi esaki via di e email adres jorgel@radiomas99.net esaki lo ta un test i si tin sufisiente reakshon aki riba nos lo bai amplia esaki pa mas lokutor por ta den kontakto ku tur hende ront mundu.

Di antemano mi kier a jamabo danki pa e atenshon i kolaborashon i kier a pidi bo pa keda skucha nos i tira un bista semper riba e link di Galeria pa potretnan nobo ku nos lo bai pone riba e pagina aki.

D.J. Jorgel.